Myanmar Ramri Ralzaam Caah American Nih Dollar Nuai 17 A Bawmh Lai
?????????????????????????????????????????????????????????
City Hunter| 2018 March 20| Thai-Myanmar ramri ah a ummi Myanmar ralzaam pawl American cozah nih dollar nuai 17 renglo cu ramri bawmhchanhnak petu phu (TBC) sin in bawmhnak a pek lai.
KNU le Myanmar cozah cu rampi kahngolnak- NCA min an thut dih hnu cun Kayin ramkulh ah i kahnak a um ti lo ruang ah ramri i ralzaam pawl inn tlun khawhnak dirhmun a phan cang. Cu ruang ah ramkip in bawmchantu bu tampi nih ralzaam pawl caah bawmhnak an pekmi an thumh.
Atu lio dirhmun ah ralzaam tamdeuh cu inn an tlun khawh rih lo ruang ah American cozah nih pehzulh in a bawmh tiah TBC Director Sally Thompson nih BBC ah a chim.
2017-2018 kum caah Thai ram ah a ummi ralzaam hna caah American cozah bawmhnak hi $ 17.6 nuai cu ralzaam sakhan 9 caah an hman lai tiah TBC Director Sally nihcun a chim.
Tuan deuh zarh ahkhan TBC palai cheukhat American Washington ah an kal i American i ASEAN kongkau a pahnihnak ramleng minister Patrick Murphy he tonbiaruahnak an ngei. American nih chawva a bawmhchanhmi cu Mr. Murphy nih social media Tweeter ah fehternak a tial.
Remdaihnak tuahser liopi caan a si ko nain Kayin rakulh i ralzaam pawl rak thutdirnak khua pawl ah cozah ralkap nih ralkap an chiah hna caah mi tamdeuh inn an tlun khawh rih lonak dirhmun cu American cozah lutlai hna nih an cohlan tiah Mr. Sally Thompson nihcun a chim.
American nih bawmhnak a pekmi chawva hi atu cozah thar policy a si lo, a hlan cozah lio i pek ding ah biakam hnatlaknak ngeihcia mi a si. American cozah nih ramri ralzaam sakhaan caah eidin, thutdirnak inn le lo le a dang ralzaam sakhaan tawlrelnak kongkau ca zong ah bawmhnak a pek.
KNU le Myanmar cozah kahngolnak an tuah hnu Thai-Myanmar ramri ralzaam 150,000 renglo chung in 18,000 renglo hrawng ralzaam sakhaan chung ah an um rih ko tiah TBC cathanh ah an langhter.
American hi Thai-Myanmar ramri i ralzaam pawl anmah le ram cio khuasak khawhnak ding a cohlang bikmi ram a si. Asinain 2014 kum thawk in ralzaam pawl a phu le bu in khuasak khawhnak ding program an rak phih.
Ref: RFA
About The Author
