Myauksii Khua Kahdohnak Ah Dothlennak Phu Lei 4 An Nunnak Liam, Hriam Cheukhat An Lak Khawh
The Chinland Post | 2023 November 9 — Sagaing ramṭhen, Kalay peng, Myauksi khua palek sakhaan an lak lio ah hriam cheukhat zong an lak khawh tiah NUG Ministry of Defense nih a thanh.
November 3 zinglei sml 6:00am thawk in Kalaymyo thlanglei ah a um mi Myauksi palek sakhaan cu dothlennak phu pawl nih an kah hna i November 4 zinglei ah an lak khawh, ralkap lei 9 an thi i mipi hriamtlai lei 3 an nunnak a liam tiah theih a si.
Myauksi khua palek sakhaan kahdohnak chung ah a nunnak a liam mi hna hi Vakok-CNDF in Salai Thawng Tha Cung, RKDF in Nyo Lung le Min Khant hna an si tiah theih a si.
Kahdohnak chung ah Vakok-CNDF, Ranger Kalay Defense Force-RKDF, Kalay pengkomh PDF Battalion 4 le dang PDO hna an i bawm tiah theih a si.
About The Author
