Operation 1027 Ah Ralkap Sakhaan 150 An Lak Khawh Cang
The Chinland Post | 2023 November 9 — Sagaing ramṭhen, Mandalay le Shan ram chaklei chung ah ralkap sakhaan 150 hrawng an lak khawh cang tiah unau hawikom phu 3 nih thawng an thanh.
Operation 1027 an thawknak in ni 12 tiang ah ralkap caah a biapi tik mi byu-ha sakhaan pawl, sakhaan ngan pawl, sakhaan hme pawl, gate pawl, palek sakhaan, uknak zung pawl le pyithusit sakhaan telh in a zapi 150 an lak khawh cang hi a si.
Ralkap pawl Tank, Armor 7 le hriamngan pawl, hriamngan pawl telh in hriam tamlak te an lak khawh.
Unau hawikom phu hna nih Operation 1027 pehzulh in an kalpi rih lai i hramhram uknak a rawh cikcek tiang kah doh lai tiah cathanh an chuah.