Myawaddy Drone Bomb Thlaknak Lt Colonel Aung Kyaw Min Le Mi 5 An Thi, Police L.T Colonel Aung Htet Win Telh In Mi 13 Hliam An Tuar
Salai Mangpau | September 4, 2023 — Karen ramkulh, Myawaddy peng, Myawaddy penguk (Administration) zung cu September 3 zaanlei ah drone bomb an thlak hna i SAC lei L.t colonel Aung Kyaw Min, pengkomh zunguk bawi U Soe Htint, U Tun Tun Lin, penguk zung cazi le Motor PK Police Lieutenant Nay Lin Soe hna cu mipi ralkap bu Federal Wings drone kahnak in an thi tiah Naypitaw Ministry of Defense in thawngtheih a si.
September 3, zaanlei sml 6:40pm ah Myawaddy palek sakhan cu Federal Wings Drone Bomb pahnih thlaknak zoh ah a kal mi SAC ralkap le penguk (Administration) bu hnih komh in an va zoh/hlathlai lio zaan 7:20pm ah drone pahnih a tla ṭhan. Mah drone bomb kahnak ah Myawaddy penguk U Soe Htint le a kuttang penguk zungrianṭuantu 2 an thi colh. SAC ralkap L.t colonel Aung Kyaw Min le Police Lieutenant Nay Lin Soe cu Myawaddy pengkomh siizung ah hliamtuarnak in an thi tiah Khit Tit Media in theih a si.
Myawaddy pengkomh palek bawi telh in hliamtuar mi 13 cu Myawaddy pengkomh siizung ah an thlop lio hna tiah theih a si.
About The Author
