Myawaddy, Thaebawbu khua pawng kahdohnak ah SAC ralbawi telh in 6 an thi

The Chinland Post | 2022 November 15 – Karen ram, Myawaddy peng, Thaebawbu khua pawng kahdohnak ah SAC lei in a thi mi an tam i an zaam len tiah Cobra Column nih a thanh.

November 14 zaanlei sml 3:00pm hrawng ah Myawaddy peng, Thaebawbu khua pawng ah a rak lut mi SAC ralkap pawl cu KNLA, PDF phufonh hna nih an kah hna i zaan sml 7:00pm tiang kahdohnak a chuak tiah theih a si.

Kahdohnak chung ah SAC ralkap lei in ralbawi 1 telh in 4 an thi i adang ralbawi telh in minung 10 hrawng fak pi in an i hliam tiah an thanh.

Kahdohnak chung ah 5.56 kuan 370, 40mm kuan 8, RPG 3, zen 3, 5.56 kuanbawm 8, MA 2 kuanbawm 1, Grenade 1, bomrap 2, map 1, kuan kham lukhuh 1, zaal 1, catlap le adang dang thil pawl an lak khawh tiah theih a si.

Cun Laykaykaw khuathar pawng ah himnak a la mi SAC ralkap pawl cu Cobra Column Sniper phu nih November 14 chun ah an kah hna i pakhat a thi, November 13 i Nyaungchaung pawng ah a cang mi kahdohnak chung zong ah SAC ralkap 1 a thi i ralbawi 4 fak pi in an i hliam tiah thawng theih a si.

Na ruahning rak langhter ve.. (Leave a comment)

%d bloggers like this: