Myohla ah KPDF nih SAC ralkap bomrap an puah hnawh hna i 4 thi, 10 an i hliam
The Chinland Post | 2022 December 13 – Bonrap kual chung ah a rak phan mi SAC Brigade 88 kuttang Infantry 78 pawl cu bomrap an puah hnawh hna i SAC ralkap 4 an thi, 10 an i hliam tiah Myohla KPDF nih a thanh.
Infantry 78 lam hruaitu Zeya Min nih a hruai mi SAC ralkap 67 cu December 11, zinglei sml 5:10am hrawng ah Katha pengkomh, Chaungwa khua in Moedalay lei ah cawlcanghnak an tuah.
Chaungwa le Nawtan khua karlak ah KPDF bomrap phu Lt. Kone Man phu tuah mi bomrap kual chung ah zinglei sml 7:40am ah an rak phanh hi a si.
Bomrap puah hnawh ruang ah SAC ralkap 4 an thi i 10 an i liam tiah an thanh. A thi mi SAC ralkap 4 in an kutke aa tan mi pawl zong kan hmuh tiah theihternak an tuah.
About The Author
