Ngazun kahdohnak ah SAC ralbawi telh in 4 an thi
The Chinland Post | 2023 February 22 — Mandalay ramṭhen, Ngazun peng, Tharcin khua, February 21 zaan sml 7:00pm hrawng ah mi ngiat ding in aa chawk mi SAC ralkap pawl cu PDF phu hna nih an kah hna i SAC lei in Captain 1 telh in 4 an thi, 6 fak tak in an i hliam tiah Ngazun PDF nih a thanh.
Ngazun peng, Thacin khua High School sianginn ah hmunhma a khuar mi SAC ralkap chung in 10 cu mi ngiat ding in an rak chuak i khua laifang pura pawng an phak ah PDF phufonh nih an kah hna i min 20 tluk kahdohnak a chuak.
Kahdohnak chung ah Ngazun peng PDF, TGYF – Youth Guerrilla Counter, LPDF, MN PDF Myitnge, SIANTGAING LPDF, Myingyan pengkomh battalion 6 le Kyaukse pengkomh PDF phufonh hna bawm in SAC ralkap pawl an kah hna hi a si tiah theih a si.
About The Author
