Wetlet PDF chungtel 16 an tlaih hna
The Chinland Post | 2023 February 21 — Sagaing ramṭhen, Wetlet peng hrambunh PDF phu a si mi Wetlet GZ Special Task Force chungtel 19 cu February 18 thawk in NUG kuttang Wetlet peng mipi himnak phu nih an tlaih hna tiah Wetlet GZ Special Task Force sin in thawng theih a si.
February 18 ah chungtel mino 16 le nu 3 tlaih an tong i February 19 ah nu 2 le pa 1 an luat nain adang 16 cu an hren rih ko hna tiah theih a si.
Anmah hna cu NUG kuttang Shwebo pengkomh Battalion 2 nih an tlaih hna hi a si i phukhat le phukhat atu bantuk in tlaihkhihnak kong he pehtlai in upa hna nih kan tawlrel piak hna seh tiah an chim.
Shwebo pengkomh Battalion 2 rianngeitu nih sualnak pakhat he pehtlai in kan tlaih hna hi a si i nuhrin covo he aa tlak tein bia kan hal hna tiah RFA ah a chim.
Wetlet GZ Special Task Force cu NUG kuttang PDF phu a si lo i Wetlet peng hrambunh hriamtlai phu pakhat a si ve.
About The Author
