Ngazun Peng Ah SAC Ralkap Drone In Bom An Thlak Hnawh Hna I 7 An Thi
The Chinland Post | 2023 September 11 — Mandalay ramṭhen, Ngazun peng ah SAC ralkap pawl Drone in bom an thlak hnawh hna i SAC ralkap 7 an thi tiah Ngazun PDF sin in thawng theih a si.
September 10 chun sml 12:00pm in zaanlei sml 5:00pm tiang Ngazun peng, Latpanthar khua ah a rak lut mi SAC ralkap pawl Drone in bom lung 8 an thlak hnawh hna i SAC ralkap pawl an zaam len. SAC ralkap 7 an thi, 13 fak ngai in an i hliam tiah theih a si.
“SAC ralkap ruak pawl cu ṭhawlagyi (ထော်လာဂျီ) 2 in an rak thir hna i Thagyin khua ah an kalpi hna” tiah Ngazun PDF nih Khit Thit ah an chim.
Kahdohnak chung ah Ngazun PDF, T.G.R PDF Myaung, T.G,R PDF, T.G.R Women Drone Fore, Black Eagle Defense Force – MMU, Black Eagle Drone Force le adang PDF phu tampi bawm in SAC ralkap pawl an doh hna tiah theih a si.
About The Author
