NLD Nih A Voi 2 Nak Party Conference An Tuah Lai

TCP-Online| 2018 February 25| National League for Democracy (NLD) Party nih a voi 2 Nak Party Conference cu tukum chung ah tuah than an timhnak kong NLD Central Committee Secretary U Ngain Win nih a chim.

Hiti tuah an timh cu Feb 25 ni Naypyitaw ah tuahmi NLD Party Central Committee chungtel pawl meeting an tuahnak a chuakmi a si ti zong U Ngain Win nih cun a chim.

“Tuni kan Meeting ah a bikin kan ceih ruahmi cu Party Conference tuah ding hi a si. A ni cu kan khiak lo. Ka ruah ning ah tukum chung cun a si ko lai. Hi a voi 2 nak Party conference hi 2020 hlan hrim ah tuah ding kan si. Ka zumh ning ah cun tukum hin kan tuah te ko lai ti ka ruah.”

Hi conference ah hin NLD Party Committee chung in riantuan mi tete zong thlen nawnnak tuah kan tim i Central Committee chungtel dihlak zong khi conference ah khin a thar in thim a silole a um ciami pawl zong zuamnak in thim an si te lai tiah U Ngain Win nih a chim chap.

NLD Party ah a nganbik hna cu President (Chairperson) ah Aung San Suu Kyi, Ramhun (Nah-ya-kah) Turah U Tin Oo le Central Committee lei in U Win Htain, U Ngain Win, U Win Myint, Dr. Daw May Win Myint telin minung 15 an si hna.

1988 kum September 27 ah dirhmi NLD party cu 2013 kum lio khan Party Conference an rak tuah bal cang.

Ref:RFA

Na ruahning rak langhter ve.. (Leave a comment)

%d bloggers like this: