May 28, 2024

CNF Le KNO Cu UNFC Nih Member Ah A Cohlan Than Hna Lai

0

TCP-Online| 2018 February 25| NCA i min thutmi kongah biatak in rianhma lak kan timh tikah CNF le KNO cu member ah kan cohlan than cang lai tiah The United Nationalities Federal Council (UNFC) nih Feb 25 ni khan thanh chuah a tuah.

A luan ciami caan ah a rak i din hrulh cangmi UNFC cu February 23 in 25 tiang Thailand ram Chaingmai khua ah tonnak an tuah hnu in tubantuk in thanh chuah an tuah hi a si.

UNFC Council member ah a rak telmi KNO le lakhruak in member ah chiah rihmi (Pending) CNF hna cu a ralaimi July thla Conference ah member tling si ding ah cohlan dingin UNFC nih bia an khiah cang.

Tutan ah tuahmi Meeting ah hin Moon Party (NMSP), Karenni party (KNPP), Rakhine party (ANC), Shan party (SSPP), Lahu party (LDU) hna le KIO in palai pawl an kai kho hna.

A luancia February 13 ni khan UNFC Member chung in Lahu Party le Moon party simi (NMSP) cu NCA ah min an thut ve cang ti theih a si.

Ref: DVB

About The Author

Na ruahning rak langhter ve.. (Leave a comment)