No. 344 Hriamngan Ralkap Anmah le Anmah An i Kah Caah Sergeant 1 A Thi
The Chinland Post | 2023 June 22 — Irrawaddy ramṭhen, Yegyi peng hrambunh No. 344 hriamngan ralkap Battalion in ralkap 2 anmah le anmah bia an i al i meithal in an i kah caah Sergeant 1 a thi tiah theih a si.
No. 344 hriamngan ralkap battalion in ralkap 2 cu June 18 zaanlei ah zuu an ding hna i bia alnak a chuah caah anmah le anmah an i kap tiah Mizzima nih a langhter.
A thi mi hi Sergeant Thant Zin (kum 56) a si i a lu ah meithal hma hmun 3 in a thi tiah a langhter.
June 19 ah Sergeant Thant Zin a ruak cu SAC ralkap pawl nih Yegyi khua ah a um mi thlaan ah a thli tein an vui tiah theih a si.
A luancia March 12 zong ah Maubin palek sakhaan bawi cem Nyun Hliang cu zuu a ri i palek 1 meithal in a rak kah tiah theih a si.
About The Author
