Ooredoo Myanmar cu Singapore ah a ummi Myanmar company sin ah zuar an timh
The Chinland Post | 2022 September 7 – Ram chungah ramdang ngeihmi pehtlaihnak company ah a hnibik a taangmi Ooredoo Myanmar company cu Singapore hrambunh One Matrix Ventures (TOMV) company sin ah zuar ding in an timhtuah tiah Reuters nih September 5 ah a langhter.
Ooredoo Myanmar company a caw ding One Matrix Ventures (TOMV) company cu Myanmar rianngeitu U Myo Myint Ohn nih a hruai i rianṭuanṭi a duhmi a hawile he biaruahnak an ngei lio tiah Reuters nih a ṭial.
A sinain Ooredoo Myanmar an zuarnak man cu a langhter lo.
Singapore hrambunh TOMV company cu Technology company pakhat a si i Moible Operator telh in Fibers le submarine Networks, Renewable Energy hna investment a tuahmi company a si tiah an website ah an langhter.
Company a dirhtu le a tawlreltu Manager ah U Myo Myint Ohn nih a tlaih i Mr. Alan Sinfield nih Director rian a tlaih tiah company website ah an langhter.
Myanmar ram ah Mobile pehtlaihnak company 4 a ummi chungah ramdangmi nih an ngeihmi ah Norway ram in Telenor Myanmar le Qatar ram hrambunh Ooredoo Myanmar hna an um nain cu chungah Telenor Myanmar company cu 2022 March thla ah company an zuar i Myanmar ram in an chuak cang.
About The Author
