Operation 1027 Chung Ah Ralkap Ruang Ah Mipi 309 An Thi
The Chinland Post | 2023 December 4 — Shan ram chaklei ah a cang mi Operation 1027 caan chung ah ralkap ruang ah Myanmar ramchung mipi a thi mi 309 an um tiah NUG nih a thanh.
“Operation 1027” cu Shan ram chaklei ah a um mi ralkap pawl kha November 27 thawk in unau hawikom phu a si mi MNDAA, TNLA, AA hna nih kahdoh an thawk mi Operation a si.
Operation an thawk hnu ah hmun dang peng le ramṭhen kip zong ah dothlennak phu pawl nih kahdohnak an fahter chin bantuk in ralkap lei zong nih lehrulhnak fak a tuah ve caah Myanmar ramchung mipi a thi mi cazin hi October 27 in November 30 tiang ah 309 an phan tiah NUG kuttang nuhrin covo zung nih December 2 ah an thanh.
Cathanh chung an langhter ning ah, pa 114, nu 48, hngakchia 42, pa/nu a si theih lo mi 105 an um. Cu chung ah Shan ram hi a thi mi an tam bik i 98 an phan. Cun Sagaing ramṭhen nih a zulh hna i 67 an phan tiah theih a si.
A thi mi pawl hi ralkap phu vanlei kahdohnak, hriamngan kahdohnak, fir le meithal in kah ruang ah a thi mi pawl an i tel i thihnak a ruang theih lo mi zong an tampi tiah NUG nuhrin covo phu zung nih an thanh.
About The Author
