Operation 1027 Nili Chung Kahnak Ah SAC Sakhan 76 An Lak Cang
The Chinlandpost | October 31, 2023 — Kokang ralkap-MNDAA le unau hawikom ralkap phu hna nih October 27 in an thawk mi Operation 1027 nili chung kahdohnak ah SAC sakhaan 76 an lak khawh tiah MNDAA biachimnak nawlngei tu Ly Kyar Win nih ah a chim.
October 30 tiang kahdohnak ah SAC sakhaan ngan 3 an lak, Kuan Lung peng Kan Mine sakhaan, Mone Koe Phaungsai Byuha kung sakhaan cu MNDAA nih an lak I Nant Ma Tu peng Nanthu ralkap battalion 324 sakhaan ngan pakhat cu KIA nih an lak. Operation 1027 nili chung tiang kahdohnak ah raltuknak Tank 4, le hriamnam tampi an lak khawh tiah theih a si.
SAC lei nih vanlawng kahdohnak, Hriamngam kahdohnak le rocket bomb kahnak a tuah ko nain unau hawikom phu lei nih SAC sakhaan pakhat hnu pakhat an lak khawh tiah People Spring news nih a ṭial.
About The Author
