Operation 1027, Nithum Chung Kahdohnak Ah SAC Sakhaan 57 An Lak Cang
The Chinlandpost | October 29, 2023 — Kokang ralkap-MNDAA le unau hawikom ralkap phu hna nih October 27 in an thawk mi Operation 1027, nithum chung kahdohnak ah SAC sakhaan 57 an lak tiah MNDAA biachimnak nawl ngeitu Lykharwin nih October 29 ni ah a chim.
October 29 zing 11:00am tiang ah unau hawikom phu hna nih Chin-shwe-haw, Ho-pan, Kuan-lung, Mone-koe, Lashio, Theindi, Nantkyuan peng telh in chaklei Shan ram um SAC sakhaan tampi ah Operation 1027 cu nithum chung tiang kahdohnak an tuah peng.
Cun, Ta’ang TNLA ralkap LIB No. 2 a umnak Naungcho peng, Kyautcian khua ah umhmun a khuar mi SAC ralkap sakhaan an lak i Mogok peng Naungkung cunglei um khua ah TNLA le Mogok PDF phu komh le SAC ralkap karlak ah kahdohnak a um tiah theih a si.
SAC lei nih vanlawng kahdohnak, Hriamngam kahnak le Rocket bomb in kahdohnak a tuah ko nain unau hawikom lei nih SAC sakhaan pakhat hnu pakhat an lak khawh tiah People Spring news nih a ṭial.
About The Author
