Aungja Kahdohnak Ah LIB 103 Le LIB 236 Commander 2 Telh In Ralkap 60 Lengkai An Thi
The Chinlandpost | October 29, 2023 — Kachin ram, Mo Mauk peng Aungja hmunhma, SAC ralkap sakhaan kahdohnak ah ralkap lei Commander 2 telh in ralkap 60 leng an thi, hriamnam phuntling 90 leng an lak i, sakhaan a tlik tak mi ralkap zong a tam tiah Kachin ram ral lei thawng tial nih an langhter.
Kachin Independence Army –KIA zungpi umnak Laiza pawng, Nan San Yang khua ah June thla in kaphnih kahdohnak a um i, Aungja khua October 20 tiang kahdohnak ah SAC ralkap sakhaan cu KIA nih an lak khawh.
Aungja kahdohnak ah Battalion Commander pahnih a thi mi ah, LIB 103 Commander L.t Colonel Thet Aung Aung cu October 13 kahnak ah a thi tiah an innchungkhar lei nih ramchung thawngzamhnak ah cathanh an chuah tiah People Spring nih a ṭial.
Aungja kahdohnak ah KIA le PDF, AA, CNA, ABSDF-NB, KNA-Burma ṭangti in kahdohnak an tuah tiah theih a si.
About The Author
