Pakokku Hrambunh Brigade 101 In Ralkap 1 Hriam He CDM A Tuah
The Chinland Post | 2023 June 2 — Magway ramṭhen, Pakokku hrambunh Brigade 101 in ralkap 1 MA -1 meithal he CDM a tuah caah tangka sing 100 laksawng kan pek tiah Young Force – UG phu nih an thanh.
May thla zarhthumnak ah Pakokku hrambunh Brigade 101 in ralkap 1 cu MA-1 he CDM a tuah i SAC thiltuah a ṭha lo mi inn khanghnak, mipi hremnak le thahnak hna ah tel a duh ti lo caah Young Force – UG a pehtlaih hna i CDM a tuah hi a si.
Mipi sin aa rak fonh mi ralkap nih MA-1 zuun 1, kuanbawm 2, kuan 100 hrawng he aa rak fonh caah tangka sing 100 laksawng an pek hi a si.
Atutiang Young Force – UG sin ah CDM a tuah mi minung 11 an um cang i SAC kuttang ah rianṭuan a duh ti lo mi zeibantuk cozah rianṭuantu poah kha kan cohlan hna i bawmhnak kan pek hna leng ah himnak hmun ah kan kuat hna tiah an langhter.
About The Author
