Thaton Peng Dunthami Hlei Gate KNU/PDF Nih An Kah, Hriam Cheukhat An Lak Khawh
The Chinland Post | 2023 June 2 — KNU Brigade 1 hmunhma, Thaton peng Duyinseik khuate pawng ah a um mi SAC ralkap nih hnunhma an khuarnak Dunthami hlei gate cu KNLA le PDF phufonh nih an kah hna i SAC ralkap a thi mi an um, hriam zuun 5 zong an lak khawh tiah theih a si.
June 1 zinglei ah cuka hmun SAC ralkap gate an kah hi a si.
Kahdohnak chung in an lak khawh mi hriam le kuan pawl hmanthlak zong KNLA nih an langhter.
Khuami pakhat zong nih kahdohnak chung ah SAC ralkap 7 an thi tiah People’s Spring ah a chim.
SAC leiṭhang thawngzamh pawl nih cun Dunthami hlei kahdohnak ah palek bawi telh in palek 3 an i hliam tiah an langhter nain a thi mi cazin an langhter lo.
