Pakokku Peng, Pandaichung Khua Um Ralkap Gate Kahdohnak Ah Ralkap 16 An Thi
The Chinland Post | 2023 November 24 — Magway ramṭhen, Pakokku khua pawng, Pakokku-Yesagyo lam ah a um mi Pandaichung khua um ralkap gate cu dothlennak phu pawl nih an kah hna i ralkap 16 an thi tiah Southern YSO PDF nih thawng an thanh.
November 21 zaanlei sml 4:06pm ah ralkap 27 nih hmunhma an khuarnak, Pakokku khua in meng 2 aa hlatnak, Pakokku-Yesagyo pehtlaihnak lam ah a um mi Pandaichung sakhaan cu phu 3 in an kah hna i sml 1 le cheu leng kahdohnak a fak i khamhnak an i ser mi 4 an hrawh khawh. Nan hriam chiah in a sungpe uh tiah an au hnawh hna i cheukhat cu hriam chiah in a sung an pek nain, cheukhat nih a sung an pek duh lo caah kahdohnak a fah hi a si tiah an thanh.
Sakhaan an lak khawh deng ah Pakokku seh-hmuh zung in ralkap 100 hrawng bawmhnak pek ding in an rat caah an kir ṭhan tiah theih a si.
Cu gate sakhaan kahdohnak ah ralkap 16 an thi, 5 fak ngai in an i hliam i aa hliam mi ralkap pawl cu Pakokku sizung ah an thlop hna tiah theih a si.
Kahdohnak chung ah BNRA, Southern YSO PDF, YRG hna an i bawm tiah theih a si.
About The Author
