Lailenpi Ralkap Sakhaan Cu An Lak Cang
The Chinland Post | 2023 November 24 — Chin ramkulh, Matupi peng, Lailenpi khua hrambunh ralkap IB 304 kuttang sakhaan cu CNA le CDF nih tlamtling tein an lak khawh cang tiah thawngpang theih a si.
Lailenpi hrambunh ralkap sakhaan hi CNA, CDF phufonh nih zaanli tluk an kah hnu November 24 zinglei ah an lak khawh tiah theih a si.
Lailenpi khua kahdohnak ah ralkap lei nih kahdohnak vanlawng hmang in ni 4 chung bom a thlak caah khuami 4 an thi, sianginn, biakinn le mipi inn 10 hrawng an rawk tiah theih a si.
Sakhaan lak kahdohnak chung ah kaphnih lei hliamtuar cheukhat an um tiah theih a si fawn.
Thlakhat chung ah CNA, CDF nih Chin ramkulh khua pahnihnak an lak a si.
About The Author
