Palaw ah PDF le SAC ralkap karlak ah kahdohnak a chuak i SAC ralkap 2 an thi, PDF 1 a nunnak a liam
The Chinland Post | 2023 January 5 – Taninthary ramṭhen, Palaw peng, Tapu khua pawng ah SAC ralkap le PDF hna karlak ah kahdohnak a chuak i SAC ralkap 2 an thi, PDF 1 a nunnak a liam tiah theih a si.
January 2 zinglei sml 7:00am hrawng ah Kyae khua in Tapu khua lei ah a kal mi SAC ralkap pawl bomrap tunh hnawh ding in an kal lio ah kaphnih karlak kahdohnak a chuah i SAC ralkap 2 an thi, 2 an i hliam tiah theih a si.
Bomrap tunh ding in a kal mi Palaw KPDF le Shadow Guerrilla phu hna an si kahdohnak chung ah Palaw KPDF in hriamtlai 1 a nunnak a liam i M16 zuun 1, kuanbawm 2, pistol 1 le kuan cheukhat an sung tiah theih a si.
About The Author
