June 24, 2025

Palaw peng, Kade khua ah SAC ralkap nih thazang tampi in kahdohnak an tuah caah PDF hmunhma cheukhat an sung

SAC ralkap nih Kade khua an lak_2023 Feb 16

The Chinland Post | 2023 February 17 – Taninthary ramṭhen, Nyeik pengkomh, Palaw peng ah a um mi Kade khua ah SAC ralkap pawl February 15zaan sml 7:00pm hrawng ah thazang tampi in an luh caah PDF phu pawl he kahdohnak a chuak, PDF hmunhma cheukhat pawl zong an sung tiah PDF phu pawl sin in thawng theih a si.

SAC ralkap pawl nih thazang tam taktak le hriamngan/hriamhme fonh in kahdohnak an tuah hi a si i  PDF phufonh lei thazang a tlawm tuk caah hnu an kir tak hna tiah theih a si.

Kahdohnak chung ah PDF phufonh lei in pakhat fak tuk lo in aa hliam i PDF phufonh nih bomrap puah hnawh ruang ah SAC ralkap lei a thi mi an um kho tiah theih a si.

SAC ralkap nih an lak mi Kade khua cu an khangh beh i mipi 2 zong an tlaih hna tiah theih a si.

About The Author

Leave a Reply

Your email address will not be published. Required fields are marked *