Paletwa ah a tlaumi a vapa a kawlmi nu pakhat bom aa lamh sual
The Chinland Post | 2o22 August 24 – SAC ralkap le AA karlah ah atu le atu kahdoh a chuahnak Chin ramkulh, Paletwa peng, Abaungtha khuami U Aye Khaing inn a ṭin ti lo caah a nupi a simi Daw Nan Lawng Kham nih a va a kawlnak ah August 24 zinglei ah bom aa lamh sual i a thi tiah theih a si.
August 24 zinglei ah ramlak ah bom a puak i a hmun ah a thi colh tiah khuami hna nih media ah an chim.
“Bom aa lamh sual ruangah a ke pahnih aa tan. A pum le a kut ah hma tampi a pu” tiah khuami pakhat nih RFA ah a chim.
Bom lamh sualnak in a thimi Daw Nan Lawng Kham (Kum 43) ruak cu khua in Furlong 1 hrawg aa hlatnak tiva kam ah an hmuh i an vui colh tiah theih a si.
Daw Nan Lawng Kham an pa U Aye Khiang hi Abaungtha khua Primary School sianguk a si i a luancia August 21 ah khua pawngah tuai a kawlnak in inn ah a kir ti lo tiah theih a si.
Atulio hi Paletwa peng ah SAC ralkap le AA karlak ah kahdohnak a fah lio a si.
About The Author
