June 17, 2024

Paletwa Khua Ah Vanlawng In Bom An Thlak Caah Ralkap Chungtel Cheukhat An Thi

0

The Chinland Post | 2024 February 12 — Chin ramkulh, Paletwa peng ah ralkap nih Jet Fighter vanlawng in bom a thlak caah AA nih an rak tlaih mi ralkap cheukhat pawl an thi, cheukhat an i hliam tiah AA nih thawng a thanh.

February 11 zaanlei sml 4:50pm hrawng ah ralkap lei nih Paletwa khua cu Jet vanlawng 1 in voi 2 bom a thlak, vanlawng cung in meithal a kah tiah unau hawikom phu nih thawng an thanh.

Kahdohnak chung ah kum 8 hngakchia 1 telh in mipi 2 a hmun ah an thi. Adang mipi 4 nak tlawm lo an i hliam tiah theih a si.

Cun vanlawng kahdohnak ruang ah Paletwa khua ah AA nih a tlaih i ngandamnak lei zong a zohkhenh lio mi ralkap cheukhat zong an thi, fak ngai in hliam a tuar mi zong an um tiah theih a si.

A luancia January thla dongh hrawng ah Paletwa peng, CDF-Daai hmunhma chung, Hom khua cu ralkap lei nih vanlawng in voi 3 bom a thlak i mipi 7 an thi, inn cheukhat zong a rak rawk.

Chin ramkulh, Paletwa peng chung um ralkap sakhaan le palek sakhaan zapi cu AA nih January thla lai hrawng ah tlamtling tein an lak khawh i ralkap umlonak hmun tiah nihin tiang an thanh.

About The Author

Na ruahning rak langhter ve.. (Leave a comment)