Paletwa khua ralzaam nu pakhat Kaladan tiva ah a zuang

0

The Chinland Post | 2022 September 13 – Chin ramkulh, Paletwa khuapi ah a rak zaammi Chinnu pakhat cu Kaladan tiva ah a zuang i amah le amah aa that tiah theih a si.

A thimi nu hi kum 46 a simi Daw Ma Hla a si i Paletwa in meng 3 hrawng a hlatnak Abaungtha khua ah a rak ummi a si tiah theih a si.

A luancia August thla dongh hrawngah Abaungtha khua pawngah AA le SAC ralkap karlak kahdohnak ruangah Paletwa khuapi ah a rak zaammi a si tiah Khonumthung Burmese nih a langhter.

Amah hi September 6 ah a umnak in a chuak i a tlau hnu September 10 ah Kyaukdaw khua pawng tinbaw dinhnak ah a ruak in an char tiah Abaungtha khuami nih Khonumthung Burmese ah an chim.

A ruak cu Rakhine ram Kyaukdaw khua khrihfa bu fonh nih an vui piak tiah theih a si.

About The Author

Na ruahning rak langhter ve.. (Leave a comment)

%d bloggers like this: