Paletwa khuapi ah Abaungtha khuami 600 leng an rak i dor

The Chinland Post | 2022 August 29 – AA le SAC ralkap karlak kahdohnak ruangah Chin ramkulh, Paletwa peng, Abaungtha khuami hna cu khua chungah um ngam ti loin Paletwa khuapi ah an va i dor tiah theih a si.

Paletwa khuapi ah aa rak dormi hi Abaungtha khua lawng a si rih nain chungkhar 1oo hrawng khuapi chungah an rak  i thial. Minung in 600 hrawng an si tiah khuami pakhat nih Zalen ah a chim.

Paletwa ah aa rak dormi cheukhat cu an theihhngalh inn ah an um i cheukhat cu Red Cross phu nih timtuah piakmi sianginn khaan pawl ah an um.

A rak dormi pawl cu Red Cross phu nih piat, facang le pakan hna an bawmh hna nain atutiang ah hrukaih le umnak a har rih tiah ralzaam pakhat nih cun Zalen ah a chim.

A rak dormi Abaungtha khuami hna nih an innlo pawl khanghpiak a si timi thawngpang an theih caah lungrethei in an um. Abaungtha khua lei cu pehtlaihnak an chah caah pehtlaih khawh an si lo tiah Zalen sin in theih a si.

Na ruahning rak langhter ve.. (Leave a comment)

%d bloggers like this: