Paletwa Peng Vialte Cu AA Nih A Lakdih Mi Dirhmun Ah A Phan
The Chinlandpost | January 14, 2024 — “Paletwa khuapi an lak ahcun Kyauktaw le cunglei vialte, India ramri tiang SAC ralkap an um ti lo”.
Chin ramkulh, Paletwa peng chung um SAC ralkap sakhan le byuha kung vialte cu Arakan Army AA nih pakhat hnu pakhat in a lak thluahmah cang le nihin ah Paletwa peng vialte cu AA laknak tang ah a um ko cang tiah Rakhine lei thawngzamhnak in theih a si.
Paletwa-Kyauktaw ramri– Miwa SAC byuha sakhan cu AA nih nizaan ah a lak. Miwa a lak dih hnu cun mah lei kalnak lampi vialte cu SAC umlonak hmun a si cang. Paletwa ram vialte cu SAC umlonak hmun ah a si cang ko ti khawh a si.
Naite ah tinma a lak. A tu miwa a lak chap. A hlan ah SAC sakhan hme tete an i fonh dih. Miwa le Tinma ah an i fonh sakhan an lak cang caah Kyauktaw peng cunglei SAC an um ti lo. Paletwa hnu lei an lak dih hnu ah a tang SAC sakhan cheukhat cu pehzulh in kan doh hna lai AA nih ralrinnak a pek hnu ah Miwa sakhan telh in Paletwa ram SAC Byuha kung 2 cu nizaan ah an lak khawh cang.
Paletwa ni chuahlei um mi SAC sakhan tlawmte lawng a tang mi cu nihin ah kan lak cang tiah AA nih thawngthanhnak a tuah.
Paletwa cu SAC umlonak hmun a si ko cang tiah cheukhat nih an chim. Cheukhat nih mi tlawnte lawng an tang rih tiah an chim. Paletwa khua an lak khawh ahcun Kyauktaw le cunglei India ramri kam vialte cu SAC um lonak hmun an si dih cang ko tiah People’s Spring nih a langhter.
AA lei nih cun Paletwa, Rakhine ramkulh Kyauktaw, Mouk–U, Poahtaw, Yangpye, Kyaukphyu, Butitaung khua um SAC ralkap cu an kah cuahmah hna lio a si. SAC lei nih cun ramchung mipi kah le tlaihnak a tuah hna tiah theih a si.
Photo- Paletwa khua pawng SAC battalion 308 ralkap cu AA nih January 6 an lak lio hmangthlak a si.
About The Author
