Paletwa ralzaam nu pakhat bomrap aa lam sual i a ke khatlei le a mit pahnih a rawk
The Chinland Post | 2022 July 18 – Chin ramkulh, Paletwa peng, bawlung certual ralzaam camp in Pi Win Khin (Kum 42) cu ramlak ah mehhang a kawl lioah bomrap aa lamh sual i a orhlei ke aa tan i a mit pahnih a rawk tiah Zalen nih a langhter.
A luancia June 20 ah Kathachaung khua in Paletwa khuapi ah a rak zaammi Pi Win Khin cu khua pawngah a ummi Youk tiva ah mehhang a kawl lioah bomrap aa lamh sual i a orhlei ke aa tan, a mit pahnih a rawk, a orhlei kharuh a kiak, a hmai le a hnar ah mei nih a duah, a orhlei kut mei nih a duah tiah theih a si.
Atu hi Rakhine ram, Sittwe sizung ah aa thlop lio a si i a eidin rawl le thli cu pipe in rawn a si tiah Zalen sin in thawng theih a si.
About The Author
