Paletwa Ralzam Ca Hakha Bawmhhal_Nikhatnak Ks.8,938,500 An Hmuh

ပထမေနရအလွဴေကာက္ခံသူ တစ္ခ်ဳိ႕ June 25, 2019 Photo: Paletwa Ralzam Bawmtu Phu Fb

Kawlram Cozah ralkap le Rakhine hriamtlai (Arakan Army_AA) ikahnak ruangah Chin miphun tampi ralzam  harsa in a ummi hna caah Hakha um mino le sianghleirun pawl aa bawmmi Paletwa Ralzam Bawmchan Phu nih June 25 nikhat chung Hakha sang 4 nupa le dawtu hna sin bawmhhalmi ah Ks.8,938,500 an hmuh tiah thawng kan theih.

“ Nihin sangli (Pyidawta, Dawrthar, Khuathar le Dinlo) kan vahnak ah Hakha khua nupa le bawmchantu adangdang thawngin . Ks.8,938,500 kan hmuh. Petu chungkhar, phu le bu le pumpak cio cungah kan I lawmtuk hringhran. Hi bantuk bawmhhalnak caah nihlawh caan pek in re a theitu mino le sianghleirun siangngakchia dihlak, siangngakchia a kan thlahpiaktu CCU, Hakha College, GTI tuanvo ngeitu cungah kan I lawmtuk hringhran. June 28 tiang vah rih kan timh caah aho paoh tel khawh cio le thazang pek cio kan zuam hram u” tiah Paletwa Ralzam Bawmtu Phu chairman Salai Elisma nih The Chinland Post ah a chim.

“Bawmhhal caan ah kan in phanh khawhlomi hna le ramchung ramleng um Chin mi zong nih June 28 hlan ah 09898611272, 09257157289 peh tlaih in bawmhnak peh khawh a si rih ko” tiah a chim.

June 26, 2019 Hakha sang pathum Dawrthar sang, Hakha Thar le Pyidawta ah vah ding an itim. Dawrthar a kal dingmi nih zing sml 9:00 Town Hall ah iton ding (pehtlaihnak (09898611272 Salai Tluangte) , Halkha thar lei i a kal dingmi nih  Cu-Su-Ba-Ih hlun, ah zing sml 7:45 iton ding Pehtlaihnak (09691551163 Salai Dk) le Pyidawtha sang i a kal dingmi hna nih tuchun ngol nak in nan thawk than lai (lamchak thlang halding) pehtlaihnak (09257157289 Salai Elisama) a si tiah kan theih.

Kawlram Cozah ralkap le Rakhine hriamtlai (Arakan Army_AA) ikahnak ruangah Chin Ramkulh Paletwa ah ralzam minung 4000 fai, Rakhine ram ah minung 30000 leng an um tiah theih a si.

 

Leave a Commnet

%d bloggers like this: