Panlong Conference Tuah Than Zok A Si Naklai Kalay Khuami Nih Duhnak An Langhter
TCP-Online| 2018 June 23| Kum zabu 21 Panlong Conference tuah than zok a si nakai Kalay khuami hna nih cozah sin an nawl i duhnak langhternak zong June 19 ni khan an tuah.
Hi duhnak langhternak cu Ahtet Chindwin Mino (Upper Chindwin Youth Network) hna huruainak in an tuah i Kalay khuami minung 100 tluk nih duhnak cu an langhter.
Ahtet Chindwin Mino hruaitu Director U Kyaw Tet Win nih “Kum zabu 21 Panlong Conference tuahnak nih hin daihnak a chuahpi lai. Tlangcung hriamtlai phu le cozah kar hnatlaknak tampi an ngei kho ai. Hiti a si tikah cozah nih caan sau la lo in an tuah zok naklai duhnak kan langhter hi a si”.
Kum zabu 21 a voi 2nak Panlong conference cu 2017 kum May thla lio khan rak tuah a si cang i a voi 3nak tuah than ding hi cozah lei nih caan sau la loin an tuah zok naklai tubantuk in Kalay khuami hna duhnak an langhter hi a si.
Ref:The Voice
About The Author
