Pauk Peng, Yepya Khua Ah A Um Mi Gate Kahdohnak Ah Palek 1 A Thi, Meithal Zuun 1 An Lak Khawh
The Chinland Post | 2023 August 22 — Magway ramṭhen, Pauk peng, Yepya khuate ah a um mi SAC ralkap gate an kah hna i palek 1 a thi, meithal zuun 1 an lak khawh tiah Anonymous Special Task Force nih thawng an thanh.
August 22 zinglei ah Yepya khua ah a um mi SAC ralkap gate cu dothlennak phu pawl nih Naungyoe Operation min in, a naih tein an kah hna i palek 1 thi, G3 zuun 1, kuan 171 le kahdohnak thilri an lak khawh tiah theih a si.
Kahdohnak chung ah palek pawl an zaam i PDF chungtel pawl nih an dawi len hna nain kahdohnak a caan a rauh tuk cang ruang ah an kir ṭhan tiah theih a si.
Kahdohnak chung ah ASFTF (Pauk), NPRF, Fire Revolution Group, Pakokku peng Guerrilla phu, Justic Fighter le adang phu tampi bawm in SAC ralkap gate an kah hi a si.
About The Author
