Pauk peng, Zepya khua palek sakhaan PDF nih an kah, SAC ralkap 17 an thi i pyusawhtee 53 an tlaih hna

The Chinland Post | 2022 October 3 – Magway ramṭhen, Pauk peng, Zepya khua palek sakhaan cu PDF phufonh nih an kah hna i SAC ralkap 17 an thi, 53 a nung in an tlaih hna i palek le ralkap a zaam mi zong an um tiah Myaing PDF sin in thawng theih a si.

October 2 chun sml 1:28pm thok in zaan sml 7:00pm tiang Pauk peng Zepya khua ah pyusawhtee 93 hrawng cawnnak an peknak hna sakhaan cu an luh hnawh hna i Zepya khua ah mipi lei a ṭang mi pawl kha a tlaih hna, an nemneh hna, khua in an chuahter hna tiah thawng an thanh hna caah Myaing peng PDF phufonh nih an kah hna hi a si tiah theih a si.

Kahdohnak chung ah ralkap, palek le pyusawhtee 17 an thi, pyusawhtee 53 an tlaih hna i mipi lei ṭang ṭhan ding in biakamnak an tuah tiah theih a si.

Zepya khua palek sakhaan kahdohnak ah sakhaan an lak khawh ding a si ko nain sml 5 leng kahdohnak a chuak i kuan 17,000 nak tlawm lo an hman tiah theih a si.

Na ruahning rak langhter ve.. (Leave a comment)

%d bloggers like this: