PDF Battalion Dihlak 300 Leng A Um Cang, Tu Kum Cu Raldoh A Dihnak Ah Rikhiah Kum Tiah NUG Defence Minister Nih A Chim
Salai Mangpau | 2023 August 18 — People Defence Force (PDF) battalion 300 leng cu Peng 260 ah an um cang i ralkap thazang a sing (ting) leng kai an um tiah NUG Defence Minister nih August 16 RFA Burmese interview ah a chim.
Mipi ralkap hna hriamnan an tlaihnak kum 2 leng lamtluan zoh tik ah dohthlennak a tuahtu mipi ralkap raldoh an thiam, experience zong an ngeih cang caah khuapau dohthlennak step pakhat kan karhlang kho tiah Minister nih a chim chap.
Hriam tlaihnak ah mipi thazang peknak, mipi ralkap lei nih an fimthiamnak he sermi an kutchuak hriamnam thar ser mi le kan ral hna hriamnam cu kanmah caah lak khawh mi tiah lam phun (3) in teinak kan hmuh thluahmah hi a si.
A rauh hlan ah Strategic Defence ral hmaisuang in dohnak thawk a si cang lai, atu in hmailei 6 ah khuapua dohthlennak teinak tlangtar caah nihin timhtuahnak caan a si cang tiah NUG minister nih a chim.
2023 kum cu “Raldoh a dihnak ah rikhiah kum” tiah NUG nih thawngthanhak a tuahmi cu tlamtlin a herh cang tiah a cang.
Nihin “Lam vialte Naypitaw ah” tlangtar in rampi huap mipi ralkap authawng ah (ERO),(PDF), (LPDF) ṭangrual ralkap hna nih SAC ralhrang sakhaan, Police sakhaan kahdoh in an sakhan lak mi cu theih peng a si cang tiah NUG Ninister nih a chim.
About The Author
