Sagaing, Mandalay, Magwe Ramhṭhen Le Chaklei Shan ram July Thlachung Kahdohnak Ah SAC Ralhrang 400 Leng An Thi
Salai Mangpau | 2023 August 18 — NUG Regional Command No.1 ti mi Sagaing, Mandalay, Magwe ramṭhen le Chaklei Shan ram, July thlachung kahdohnak voi 439 ah SAC ralhrang mi 400 leng an thi, 574 hliam a tuar i, Mipi ralkap lei in 26 nih ram le miphun caah nunnak an pek, 59 nih hliam a pu tiah tiah NUG Defence Minister nih a chim.
Cu kahdohnak ah SAC ralhrang lei hriamnam phun 26 telh in drone 1 bomb lian 1 le kuan phun 84 cu mipi ralkap nih an lak khawh tiah Khit Thit media nih a langhter.
SAC le mipi ralkap kahdohnak ah Regional Command no 1 tang a ummi PDF, Pah-kah-phah, le EROs ṭangrual in kahdohnak an tuah i drone in voi 56, landmine in voi 93, kahdohnak voi 188 le hmaitonh kahnak voi 79 a um. SAC lei nih vanlawng in kahdohnak voi 20 le drone kahnak voi 3 an tuah tiah theih a si.
SAC phu nih hramhram in mipi inn an khangh ruang ah 2021 May 1 in 2023 July 31 tiang ah ramchung mipi inn 74,874 a kang cang tiah Data for Myanmar nih August 8 ah cathanh a chuah.
Sagaing ramṭhen ah inn tam bik an khangh i mipi inn 57,503 a kaang cang. Cun Magway ramṭhen hi a pahnihnak a tambik an khangh mi a si i inn 11,026 a kaang tiah Data for Myanmar nih a langhter.
About The Author
