Pekon Peng Thlakhat Chung Ah Kahdohnak Voi 13 A Chuak I SAC Ralkap 19 An Thi
The Chinland Post | 2023 July 17 — Shan le Karenni ramri, Pekon peng, Kaungih khuate le Satdaw khuate hna ah hmunhma a khuar mi SAC ralkap pawl le dothlennak phu pawl karlak ah a luancia June 15 thawk in thlakhat chung ah kahdohnak voi 13 hrawng a chuak tiah PDF Pekon nih thawng an thanh.
SAC kuttang Infantry 248, Training a kai lio mi ralkap pawl, pyusawhtee hna le dothlennak phu pawl karlak ah kahdohnak a chuah hi a si i thla 1 chung ah SAC ralkap 19 an thi i tampi hliam an tuar tiah theih a si.
Kahdohnak ruang ah mipi hriamtlai phu lei in 1 a nunnak a liam i 1 fak ngai in aa hliam caah June 30 ah a nunnak a liam ve. Cun hliam a tuar mi hriamtlai cheukhat zong an i thlop lio a si tiah PDF Pekon nih a langhter.
Kahdohnak pawl chung in MG (ငါးမြီး) zuun 1, MA-3 zuun 1, bomrap le kuan pawl an lak khawh tiah theih a si.
PDF Pekon, KRU, SSDF (Shan Drone Team), LKPDF, Shan dothlennak phukomh hna bawm in SAC ralkap pawl an doh hna hi a si tiah theih a si.
About The Author
