Peng Cheukhat Thimnak Phih Piak Ruang ah Thimfung Thla Kho Lo Ding Sing (13) Hlei An Um

Salai Bawi Lian Sang| TCP-Kalay| October 22, 2020|A ra ding mi 2020 november 8 ni ah thimnak thimfung khar/phih piak a tonmi Rakhine ramkulh, Shan ramkulh peng (15) le Kachin ramkulh, Karen ramkulh, Mon ramkulh le Bagu ram then chung khua (500) hlei ah thimfung thlak kho lo in khar piak an ton ruang ah milu sing 13 hlei an um tiah theih a si.

Thimfung  khar an ton mi peng le khua hna hi raldohnak a um lo mi khua pawl an si caah mah bantuk kharpiak an ton nak kong ah Rampi Election Commission zung thawngthanh mi cu tlangcung ramkhel party cheukhat nih an lung tling lonak ca zong an thlah.

2015 thimkum lio ah Shan ramkulh peng(7), Kachin, Karen, Bagu, Mon ramkulh ah khua (400) hlei thimfungthlak kharpiak an rak ton bal.

2015 kum thimnak khar a ton mi Shan ram kulh chung tel “Wah” ram mah te uknak nawl ngei peng Pansan, Napha, Minemaw, Panwine le special uknak ngei Minelaa peng ah thimnak khar an rak si ruang ah MP candidate min cazin zong a rak um lo.

A tu 2020 kum thimkum ah a hlan peng(5) hlei in Minekaine peng telh in pengpakhat aa chap than tiah SNLD in palai Saisanmine nih a chim.A mah hi Minekaine peng Pyituh hluttaw SNLD party in aa zuam ding mi a si.

2010 thimkum lio  ah Shan ramkulh ah Pansan, Naapha, Panwine, Minemaw peng ah thimnak an tuah kho lo. 2015 thimkum ah Shan ramkulh peng(7) le khua te cheukhat ah thimnak an tuah kho lo. A tu 2020 thimkum ah cun 2010 le 2015 kum nak in thimnak tuah kho lo ding in khar piak a ton mi peng le khua an tam deuh tiah theih a si.

Ref: RFA Burmese

Na ruahning rak langhter ve.. (Leave a comment)

%d bloggers like this: