Ponna Kyun Myoma Palek Sakhaan In Palek 23 AA Sin Ah An I Fonh
The Chinland Post | 2024 February 27 — Rakhine ram, Ponna Kyun palek sakhaan in palek 23 cu February 22 ah AA sin ah an i fonh tiah AA nih thawng an thanh.
Palek bawi Kyaw Soe Aung hruai mi Ponna Kyun khua, Myoma palek sakhaan in palek 22 cu AA nih sakhaan an lak lio ah mipi lei an i fonh hi a si tiah an langhter.
Mipi lei an i fonhnak a ruang cu thazang an i za ti lo, bawmhnak kan herh tiah an hal hna nain an bawm hna lo, ei awk zong an ngeih ti lo ruang le Ponna Kyun ah kum 2 chung rian nan ṭuan lai tiah an fial hna nain kum 3 a rauh hnu zong ah an umter rih hna caah a si tiah palek bawi Kyaw Soe Aung nih a chim.
AA sin ah aa rak fonh mi hna cu ngandamnak ṭha tein an zohkhenh hna i him tein an umter hna i online cung ah AA nih mipi lei aa rak fonh mi pawl an hrem hna ti kha a dik lo caah adang SAC ralkap pawl zong nih rak i fonh uh tiah an sawm hna.
About The Author
