Mindat Ah SAC Ralkap Nih Mipi An Tlaih Hna
The Chinland Post | 2024 Feb 27 — Chin ramkulh thlanglei, Mindat peng ah SAC ralkap nih mipi cheukhat an tlaih hna i cheukhat cu an thlah ṭhan hna nain cheukhat cu Battalion 274 ah an hren rih ko hna tiah theih a si.
February 25 zinglei sml 6:00am hrawng ah Mindat khua pawng um Shwe-ṭui khua le Pan-awh khua ah thazang 50 leng a si mi SAC ralkap pawl an lut i kum 13 hngakchia telh in mipi 13 an tlaih hna tiah khuami hna chim mi cherhchan in Khonumthung Burmese nih a chim.
“SAC ralkap pawl cu Shui-ṭui, Pan-awh khua hna ah an lut. A hmasa bik Shui-ṭui khua ah 4 an tlaih hna, cun adang khua zong an lut i an check len, nizaan an tlaih mi hna an zapi 13 an um. Cu chung ah 10 hi Pan-awh khua lu an phak ah an thlah hna i 3 an kalpi hna” tiah tlaihkhihnak a tong mi he aa naihniam mi nih Khonumthung Burmese ah a chim.
SAC ralkap nih thlah lo in an tlaih mi hna hi nu 1 le pa 2 an si i cu chung ah pa cu Icon ruang ah an tlaih i an velh leng ah Mindat hrambunh LIB 274 ah an kalpi hna tiah theih a si.
Mindat hrambunh LIB 274 nih Mindat khuachung le a pawngkam khua hna ah an i chawk tiah theih a si.