Pu Chan Pum; Khuangcawi Kong A Hngal Lomi Nih Cathlahmi Cung Ah Lehnak

TCP-Hakha| 2019 February 1| Tukum ah Hakha ah tuahdingmi Chin Miphun Ni khuangcawi dingmi kong he pehtlai in nutung hna cawi timh cu tiah social media ah ca a thlahmi le comment a petu hna cung ah a tanglei bantuk in MP hlun Pu Chan Pum nih The Chinland Post in fak ngai in bialehnak a tuah hna.

1. Khuangcawi cu Phaizawng Mang Sui nih a thawk hmasa i a nupi a cawi. Nupi le upat peknak, cawisannak, puai kan ti khawh.
2. Va a ngei lomi ngaknu khuangcawi phung a si lo. Ahohmanh nih va a ngei rih lomi a fanu khuangcawi a tuahpiak bal lo.
3. Atu Khuang kan cawi dingmi Nun Can Sung hi Sangte chung a si. Phaizawng nih 2009 kum ah kan cawi bal cang. A va hi Phaizawng Thian Hlun hrin, Phaizawng khuatla a si.
4. Khuangcawinak kong thitha in a hngal lomi nih nan duh paoh in catial hlah uh.
5. Khuang a cawi bal lomi le a hngal lomi nih ngaknu cawi nan duh phung a si lo. Nan hngalh lo ahcun ka hal u law A in Z tiang kan chimh hna lai.

MP Hlun Pu Chan Pum
Advocate, Hakha

Pu Chan Pum hi Hakha peng, Phaizawng khuami a si, atu cu Hakha ah an um cang. Amah hi 2010 in 2015 tiang Chin ramkulh hluttaw meekuang ah Chin National Party in MP a rak tlingmi a si. Amah hi Sihne (lawyer) rian a tuan chihmi zong a si. _Chief Editor, The Chinland Post

Leave a Commnet

%d bloggers like this: