Rakhine le Paletwa i a cang mi kahdohnak ruangah ralzaam 90,000 leng an phan

The Chinland Post | 2022 October 21 – Rakhine le Paletwa thlanglei ah SAC ralkap le AA  karlak kahdohnak pawl ruangah ralzaam 90,000 leng an karh tiah UN OCHA nih October 19 ah a thanh.

A luancia August thla thok in October 11 tiang a thar aa chapmi ralzaam 16,000 tiang an um i a hlan a um ciami he kan fonh a si ahcun 90,000 an lonh cang tiah an thanh.

Innlo a zaamtak mi hna caah bawmhnak an herh tiah UN OCHA nih a chim.

Rakhine ram, Buthidaung, Minbya, Mrauk U, Myebon le Rathaedaung peng hna ah bawmhnak an phih caah kan rianṭuannak a nuar tiah an langhter.

UN OCHA nih cun bawmhnak pek ding in forhfialnak a tuah i cuka hmunhma pawl i eidin i phawtzamhnak zong thok ṭhan a herh cang tiah a chim.

Rakhine ram ah SAC ralkap le AA karlak ah kahdohnak a fah ṭhan hi thlathum a rau cang i kahdohnak a fah bantuk in innlo a zaamtak mi zong nifatin in an karh ve.

Na ruahning rak langhter ve.. (Leave a comment)

%d bloggers like this: