Hramhram in uknak an lak caan thla 20 chungah SAC ralkap le mipi hriamtlai phu hna karlak ah kahdohnak voi 2,000 leng a chuak

The Chinland Post | 2022 October 21 – SAC nih hramhram in uknak a lak hnu 2021 February 1 thok in 2022 October 12 tiang thla 20 chungah Myanmar ram pumpi ah kahdohnak voi 7,700 leng a chuak tiah ISP Myanmar nih a thanh.

Ram pumpi kahdohnak chungah SAC ralkap le tlangcung hriamtlai phu (EAOs) karlak ah kahdohnak hi voi 4,500 leng a chuak i SAC ralkap le mipi hriamtlai phu hna karlak ah kahdohnak voi 2,100 leng a chuak tiah ISP Myanmar cathanh ah an langhter.

Kahdohnak hi Karen ram ah voi 4,000 leng in a tambik a cang i Sagaing ramṭhen ah voi 800 leng in a pahnihnak a tambik a can a si.

Hi thla 20 chung kan zoh ṭhan a si ahcun SAC ralkap le tlangcung hriamtlai phu hna karlak i kahdohnak a chuah a tambik thla hi 2021 May thla a si i kahdohnak voi 600 leng a chuak tiah a thanh.

Na ruahning rak langhter ve.. (Leave a comment)

%d bloggers like this: