Rakhine Ramkulh Taunggoke Peng Ah NLD MP Palai Minung (3) Tlaih An Tong

Salai Bawi Lian Sang| TCP-Kalay| October 15, 2020| Rakhine ramkulh Taunggoke peng National League for Democracy (NLD) MP Palai(3) cu zeibantuk hrimthlai an si tiah theih rih lomi hriamtlai minung(10) nih October 14 zing 10:00 ah an tlaih hna tiah Taunggoke peng NLD Chairman U Tin Thein Aung nih a chim.

“Taunggoke peng Pyine hluttaw No.2 MP U Min Aung, Pyituh hluttaw hluttaw MP Daw Ni Ni May Myint le Amyotha hluttaw MP Candidate Daw Chit Chit Chaw hna cu October 14 ni zing lei can ah Taung koh peng in meng(15) aa hlatnak PhawngKo khua te ah Party lemsoi an kal I party chungtuan inn ah rawl an ei lio ah an tlaih hna. Zeibantuk hriamtlai an si kan thei rih hna lo” tiah U Tin Thein Aung nih Myanmar now ah a chim.

U Min Aung hi Rakhine ram Sipin minister hlun a rak tuanbal mi a si. Daw Ni Ni May Myint zong Pyituhhluttaw hluttaw MP an tuan lio mi a si. Tlaih a tonmi (3) hi khua zei an kal pi ti theih a si rih lo.

Him te in an rak luat khawh nak hnga Taung koh Myomah palik sakhan ah report an pek.

A tu tlaih a ton mi Hluttaw MP Candidate hna cu a ra dingmi November 8, thimnak ah teinak hmuh ding in aa zuam ngai mi an si. Mah bantuk tlaih khih an ton ruang ah a dang MP candidate hna le hnu zul tu party chungtel mipi caah thinphang a si ko tiah U Tin Thein Aung nih a chim

Mah tlaikhih a tongmi kong he pehtlai in Rakhine ram hunhimnak lei tuanvo ngei tu Minister Colonel Min Tan le Ramkulh Sipin minister le NLD Taunggoke peng Pyine hluttaw a si mi U Win Myint hna cu Myanmar Now nih phone an chawnh I bia leh nak an um lo tiah Myanmar now nih a langhter. Ref: Myanmar Now