Ralkap IB 351 Sakhaan Dothlennak Phu Pawl Nih An Lak
The Chinland Post | 2023 November 17 — Bago ramṭhen, Shwegyin peng ah ralkap IB 351 sakhaan cu dothlennak phu pawl nih an lak khawh i hriam tampi zong an lak khawh leng ah sakhaan an khangh beh tiah theih a si.
November 17 zinglei ah KNLA, BPLA hna telh in dothlennak phu pawl nih Bago ramṭhen, Shwegyin peng, Kyachaung khua pawng ah a um mi ralkap IB 351 sakhaan umnak tlang cu an lak i minutes 20 chung kahdohnak ah ralkap lei nih sakhaan an zaamtak dih tiah theih a si.
Ralkap lei a thi mi cazin a fiang in theih a si lo nain sakhaan dihlak in an lak khawh. Kahdohnak chung in 60MM zuun 1, 60MM bom 52, Jumper 1, pehtlaihnak seh 1, Energa lung 13, Grenade 20, RPG kuan 22, RPG zen 16, 40 MM lung 12, bomrap 9 le 5.56 kuan 1128 hna an lak khawh tiah theih a si.
About The Author
