Ralkap Kah Mi Hriamngan Ruang Ah Falam Peng Kum 105 Tarnu A Thi
The Chinland Post | 2023 November 27 — Chin ramkulh, Falam peng ah ralkap nih an kah mi hriamngan ruang ah kum 105 tarnu Pi Ram Tlung a thi i a fanu Pi Zo Htwe (kum 65) zong aa hliam tiah theih a si.
November 27 zinglei sml 2:00am hrawng ah Falam hrambunh LIB 268 nih an kah mi hriamngan cu C. Zamual khua mipi inn ah a tla i a puah caah kum 105 tarnu Pi Ram Tlung a thi i a fanu Pi Zo Htwe (kum 65) zong a hliam fak ngai tiah The Rili Voice nih a langhter.
A luancia March 18 zong ah C. Zamual khua pawng ah ralkap hmanh mi bomrap lam sual nak in C. Zamual khuami U Ṭial Ceu (kum 60) a rak thi cang.
C. Zamual khua hi Falam-Kalay lam ah a um mi a si i Falam khua in meng 2 hrawng aa hlatnak ah a um mi khuate pakhat a si.
About The Author
