Ralkap le Palek Pawl Nih Hriam Chiah In CDM Rak Tuah U: CDF-Hakha
The Chinland Post | 2023 November 27 — Ralkap Council kuttang ralkap le palek pawl nih a caan a luan hlan ah hriam he siseh, hriam lo in siseh mipi sin ah rak i fonh uh tiah CDF-Hakha nih November 26 zaan ah thawng a thanh.
CDF-Hakha sin ah aa rak fonh mi cu upatnak te he chawnhbiak nan si lai i dothlennak a dih tiang eidin, ngandamnak pawl kan in tawlrel piak hna lai leng ah himnak hmun ah kuat nan si lai i umkalnak zong ṭha tein tawlrel piak nan si lai tiah a thanh.
Mipi sin aa rak fonh mi hna nih hriam he nan rak chuah khawh ahcun a tlawmbik tangka sing 50 cung laksawng pek nan si lai tiah cathanh chung ah an langhter.
About The Author
