Ramdang bawmhnak a hmu bak lomi Chin ralzaam hna nifatin dirhmun an har

0

The Chinland Post | 2022 August 10 – SAC nih rampi uknak hramhram in a lak hnuah India, Mizoram ah Chin ralzaam 30,000 leng i dor a si i Mizoram mipi phu le biaknak lei nih bawmh an si.

Lawngtlai khua he aa hlat tuk lonak khua lengah Trade Center Camp tiah auhmi ralzaam camp pakhat a um i Chin ramkulh Paletwa peng le Matupi in ralzaam 160 hrawng an um.

Ramdang bawmhnak hmuh a si lo caah Mizoram mipi phu eidin bawmhnak tein kan ṭhudir tiah ralzaam hngakchia ca a chimmi CDM sayamah nih a chim.

Chungkhar pakhat ah pa a um a si ahcun khua chungah a hmuhmi rian poah a ṭuan i eidin a tawlrel khawh nain pa um lonak chungkhar tu cu eidin an hartuk kha hmuh khawh a si.

Trade Centre Camp ah a ummi ralzaam cheukhat nih ramlak ah tuai an va hrawng i khua chungah zuar hnuin aa cawmmi zong an um tiah theih a si.

About The Author

Na ruahning rak langhter ve.. (Leave a comment)

%d bloggers like this: