Rawl Chuan Liomi Leng Chuahtak Kar Ruang Ah Inn 150 A Kaang I Minung 900 Leng Inn Ngei Loin An um
Aung Aung| 2018 March 4| Magwe ramthen, Yeesakyu peng Titgyitaw khua ah March 3 zanlei sml 4 tluk ah inn 150 leng a kang minung 900 leng umnak ngei loin an um.
Meiphelhtu zung in a caan lio te ah an phan kho ko nain an khua ah ti an har tuk caah hi zat inn a ciam nak hi a si tiah Yeesakyu mino pehtlaihnak phu in Ko Wai Yan Aung nih a chim.
“A biapi cu khuapi he tlawmte aa hla deuh. Meiphelhtu zung zong cu rak phan ko nain ti a har tuk. Fawi tein hi ka hrawng ahhin ti ngah khawh a si lo. Cu leng ah vabu zong a cheh caah khat lei an phelh kar ah khat lei a kang than tiin hmakhat te ah inn kua hra a kang i cu ti cun phalh khawh loin hi zat zat a kangh hi a si.”
Khua chung mi chungkhar pakhat nih rawl an chuan mi leng an chuah tak nak in mei hi a tho mi a si tiah a chim fawn.
Khua mi pawl cu sianginn pakhat ah chikkhat kar umnak an tawlrel piak hna i zatlang bu le cozah lei nih an herhmi eidin tirawl an zohkhenh chung hna.
Hi ni thiam ahhin Bago ramthen Nattalin peng Tapun khuapi zong ah mei a kaang i inn 5 a ciam tiah theih a si.
Ref: RFA Burmese
About The Author
