Remdaihnak Lamthluan Ah AA An I Tel Lawng Ah Kahdohnak Kan Ngol Lai; Pyihtayzi

The Chinland Post| 2019 June 18| AA phu nih rampi remdaihnak lamthluan i an i tel ve lawng ah Rakhine ramkulh chaklei hriamtlai phu dohnak hi a rannak in kan tawlrel khawh lai tiah Pyihtayzi ministry zung nih Rakhine ramkulh sin ah thanhnak a tuah tiin ramkulh hluttaw Speaker U San Kyaw Hlah nih RFA ah a chim.

Hi thawngthanhnak cu ramkulh hluttaw palai zapi phawtzamh an si.

Yatehtaung peng hluttaw palai U O Taan Naing nih kpahnih ah a cangmi hriamtlai phu dohnak rianrang in ngolpiak ding ramkulh cozah sin in ramkomh cozah forhfialnak biatung cu February 21 ah tuahmi Rakhine ramkulh hluttaw nih a fehter.

Hi biatung he pehtlai in Pyihtayzi ministry zung nih ramkulh cozah sin in Rakhine ramkulh hluttaw cu lehnak an tuah tiah theih a si.

AA ralkap in chimnak nawlngeitu Khine Thu Kha nih cozah le ralkap leikap nih remdaihnak caah khulnuar ding in an tuah hramhram mi  a si bantuk in ralkap nih kahnak an tuah ruang ah Rakhine ramkulh ah i kahdohnak a chuahnak hi a si tiah a chim.

Ralkap lei thawngdik thanhtu phu in Bohmucho Zaw Min Htun nihcun ramdaihnak caah khulnuar ding in AA phu nih an tuahmi tu a si i Rakhine ramkulh ah ralkap nih a buaibaimi pawl kahdohnak a tuahtu a si tiah a chim.

I kahdohnak ngolnak caah ramkulh hluttaw cung ah Pyihtayzi ministry zung lehrulhnak hi biatung dirhtu hmuitinh he aa pialkan tiah ramkulh hluttaw palai cheukhat nih an soisel.

Ref: RFA Burmese

Leave a Commnet

%d bloggers like this: