Riantuantu An Um Lo Ruang Ah Kaladan Lam Cawh An Ngol Chung
Kalay lam nylon kattaza phah lio
TCP-Thantlang| 2018 August 2| Kaladan Multi Modal Transit Transport Project rian tangah a ummi Mizoram Lawngtlai khua pawngin Chin ramkulh Paletwa tiang pehtlaihnak ding caah hlei 8 sak ding a si nain riantuantu minung an um lo caah caankarlak an i din chung tiah theih a si.
Hi karlak 87 KM a saumi Kaladan lam cungah aa telmi Major Bridge timi hlei ngan mi 3 le Minor Bridge timi hlei fa deuh 5 a um i hi hlei donhnak ding rian cu 2017 October thla ah IIT Guwahati nih tha tein a zohfel hnu ah hlei ngan deuhmi cu riantuan hram a thawk tiah The Aizawl Post nih a thanh.
Cu rian a tuan lio ah cun, hi lam an rak cawh lio ah dum le lei a ngeitu hna nih an dum hau a rawk mi liam dingin duhlonak an rak langhter hnawh hna caah hlei donh in rian a tuanmi hna cu an khua ah an kir dih ruang ah an rian hmaban mi cu an pehzulh ti lonak hi a si.
An khua ah a kirmi riantuantu hna cu set-gyi tlaitu le riantuannak ah thiamsang hna an si i riantuantu hna cu Company tuanvo ngeitu hna nih voi tampi an kawh auh hna nain atu ni tiang an rat duh lo caah rian an tuan lonak hi a si.
Ref: Khonumthung
About The Author
